Johrgängerhöcks 2018
Liebi Johrgängerinne und Johrgänger
am 13. Juni hei mir üs wieder zum gmüetliche Zämesii uf em Stierebärg troffe.
Bim Ufelaufe hei 9 mitgmacht... hei "Schwein" gha, dr Räge het sich i d'Voraupe zruggzoge!
Die andere si mit em Bus ufegfahre.
Wäg em trüebe Wätter hei mir im Saal inne müesse si, mit entsprächend höcherem Lärmpegu !
Liebi Johrgängerinne und Johrgänger
am 15. Novämber hei 27 Teilnähmer am Höck im Fäudschlössli mitgmacht.
Uffauend isch gsi, dass vo dene 27 "nume" 7 Meitschi hei chönne mitmache (dervo erscht no 4 vom OK)!
S'isch wieder e schöne Alass gsi, und "schwupps, si aubes die 5 Stunde scho wieder ume", het dr Vittorio gmeint!