Dr Johrgang 50 firet de erscht wieder 2025
Liebi Johrgängerinne und Johrgänger
Mir hei jo aui ghofft, dass mir das Johr üses verschobene, bsungere Johrgänger-Träffe chönne nochehole --- leider isch das au nüt gsi!
Und wie's usgseht, müesse mir üs no lenger gedoude bis mir wieder unbeschwärt chöi zämecho.
Us däm Grund het's Komitee vom JG50 entschiede, dass mir das bsungere Johrgänger-Träffe uf 2025 verschiebe!
I dr Zwüschezyt wird dr Daniel Müller aber wiiterhin im Früehsummer und im Spotherbscht äs Träffe (Höck) organisere.
Genaueri Agabe überchömet dir rächtzytig per E-Mail oder dir chöit se uf üserer Houmpeitsch nocheläse.
S'Komitee grüesst aui ganz härzlech und freut sich uf nes Wiederseh, sig's 2025 oder a eim vo de Höck's vorhär.
