Johrgänger-Träffe 2010
Am Samschtig, 5. Juni hei mir üs am zwöi (14h) bi dr aute Turnhaue troffe.
Nach dr Begrüessig und em Befeschtige vo de Namens-Schüudli hei mir üs i 3 Gruppe ufteilet und si mit kompetänte Gräncher-Stadtfüehrer üses hütige Gränche go aluege, hei vüu bekannts und au unbekannts vernoh.
Wo aui uf em Poschtplatz acho si, isch dr obligati Fototermin vor dr "Titanic" agseit gsi.
Wieter simer mit em BGU-Bus i d'Gränchner Badi zum Apéro gfüehrt worde.
Do isch au uscho, wär bi dr Stadtfüehrig guet ufpasst het...s'het drum e Frogeboge uszfüue gäh! Wär die üsserscht schwierige Froge richtig beantwortet het, het am Obe a dr Verlosig dörfe teilnäh.
Nach em Apéro bi schönschtem Summerwätter si mir, wieder per Bus, am 18h im Parktheater glandet, wo mir üse gmüetleche Alass mit Ässe, Trinke, Plaudere und Tanze (wär wöue het) verbrocht hei.
Derbi si mir vo "The Darts", der Oldies-Band aus dem Berner Seeland, stimmigsvou ungerhaute worde.
D'Idrück vo däm herrlich Alass si wieder i dr Fotolgalerie