Johrgänger-Träffe 2005
Mir hebe ab ...
Am 3. Septämber 2005 isch's wieder sowiit gsii ...
Mir hei üs am drü bi dr Tennishaue troffe.
Zersch hei aui e Chläber mit em Vorname übercho, so dass sicher aui enang wieder erkönnt hei !
Nachdäm sich ca 60 Johrgängerinne und Johrgänger usgibig begrüesst hei, simer zäme zum Gränchner Flughafe gspaziert, wo zerscht d'Gruppefoto gmacht worde isch. Näbscht emene usgiebige Apéro im "Gärtli" vo der Flugschueu, het üs e wiiteri Ueberraschig erwartet: Unger de Aawäsende si drissg Jurarundflüg usglost worde - gsponseret vom René und Chrigi Vuillemier und organisert vom Susy Dysli-Sallaz! Die wo abghobe si, hei sichtbar dr Plausch gha...
Aschliessend simer i d'Tennis-Chugele go plaudere, Znachtässe (Fondue Chinoise) und vor auem auti Erinnerige uuffrüsche. Wäms drum isch gsi, het zu der Musig vom Duo Rüebli&Moos (gsponseret vom Ruedi Feller und René Vuilleumier) chönne tanze ...
Die gueti Stimmig vo däm eimalig schöne Tag hei mir mit der Kamera feschtghaute und wie versproche do im Internet inere Fotogalerie